TA WURAKAK LA WIPIT. 
  [WIRPIJ]             MAUNG
TA WURAKAK LA WIPIT.
Translated by Rosemary Urabadi
Illustrated by Robert Jorlom 
Maung
Warruwi (Goulburn Island) Bilingual Literature Production Centre
1982

Ta wularrut mira wakapa iwaning ja wurakak yanat la pata awunimalkpangung la kigimakan [kinyimakan] awung tuka wanji [wanyji] wumawurr.

Jita kiyimakan [kinyimak] inymin [inyminy] nuyu anpana kungpayalan ngarruru parang la yuran manimany wilam ilatingan pa yuran apanima walij la karlurri. Malany ta imurnanganika naka angurryilin [anguriliny[ walij la karlurri ja marrwakara, ja manuk, la nawariyu, la warraka muj.

Iwaningan ja Wipit [Wipirt] yuran inilakan [inilangakan] wilam.
"Kunpayitpa [yirtpa] wilam iminy ja Wipit" "Iminy ja wurakak tuka kilangali tuka wumawurr iminy nuyu. Malany kamawutin warlk.

"Parang la yuran aniyarruning la yarrangung juju warak tuka wumawurr yuken arrlarr.
Angpuning urrij [ngurrij] ja wurakak naka maniwalunjaung [maniwarlunyjangang] mata wilam tuka tora ta kunak.
Ja wipit [wirpit] marr inilakenang ta yangkung walij atilajang Naka ja wurakak iminang nuyu wakapa kamalangali la naka inyuning ta tora ta alan ta yuran.
Wakapa ja ngarlwak nuyu ingalakung mirlak la ilarri ta imurnaganika [imurnanganyangka].

Parang la iminy yanat wiyu", Ja wurakak naka kimin ngartuk nganilarrukung [nganilagarrukun], Malany iwamaju tuka pa iminang ngartuk.           
Arrakap[i] urrij wakapa ja wurakak yangung [yangkung] akut walij wakapa ilatpaliliminy [ilatparlililminy] la yurnparang tuka mawnku [mawngku] tuka yanat nuyu ta mawngku.
"Tukapa", iminy ja wipit, "Malany ngiwanuki ja wurakak ta nganamin nuyu". Parang la inyakatakan malakan [marlakan] manimany ngarrkak [ngarrkarrk] warlk la inyiwukpul [inyiukpurl] la mawany mata yungku.
Malany ja wurakak yurng [yung] urrij [ngurrij] nakapa ja wipit manimany yungku la inimarrawulngan [inimarraulngan] ta mawngku.
Kayirrk apa ta mawngku malkpaung [marpangung] la iwang [iwany] ja wurukak iminy nugunji.

Nungpakapa ta karrayan ta kayirrk ja wurakak. Yanat apa nugunji murnin tuka yungku iwang, La ja wipit naka? Nakapa, ja ilarri naka numiyi alan yarrangung juju tuka mirlak la ingalakungung.