Yuṯa yäku
® 1977, Science Research Associates, Inc. All rights reserved. "Adapted by the Department of Education with the permission of Science Research Associates, Inc., Chicago, Illinois".

C 1980
Translation and text printed in the Gumatj language done by the Yirrkala Community School Literature Production Centre

Dhiyaŋunydja ḏarramuyu yukurra guyaŋirri, "Ŋarra yurru yäku djarr’yun ŋarranhawuy ŋarra bay, yuṯa yäku," bitjarra ŋayi guyaŋina.
Bili bitjanga ŋuli ŋarrakala yolŋu'yulŋuyunydja."


Bala ŋayi ŋäṉḏi'mirriŋuyunydja nhanukala waŋana bitjarrana,
"Nhe yurru marrtji barrkumalana ga nhäŋa marrtjiya ŋula nhä malanynha ga guyaŋiya nhäku nhe djäl manymakku, bala nhe yurru yäkuna märrama ŋuliŋuru."

Ŋuliŋurunydja ŋayi wapthurrunana yarraman'lilina. "Dhuwalanydja ŋali yurru waṉḏirri barrkumalana, djunamana bukulilina, ŋunhalana ŋarra yurru yuṯanydja yäku malŋ'-marama," bitjarra.


Bala ŋayi ŋunhi ḏarramu waṉḏinana djunamana bukulilina, bala ŋayi nhänalana marrt jina. Ŋayi nhäŋala wärraŋnha ga ŋäkula gapu rirrakay mayaŋ, ga buluyi ŋayi ŋäkula watana ganydjarr.

Bala ŋayi ŋunhi ḏarramunydja waŋana, "Yuṯanydja ŋarra yurru yäku- wärraŋ, wo mayaŋ, gapu, wo wata."
"Yurru nhä mak ŋarraku many-maktja yäku?


Ŋunhiyi ḏarramu ga nhanŋu yarraman märr weyinnha maṉḏa nhinananydja.
Bala ŋayi nhäŋalana bukmak wäŋana nhanŋuwuy ŋayi. Ga wirrkina ŋayi djälthina ŋuriki ŋunhi ŋayi nhäŋala malanynha.
Yurru nayi yaka marŋgi nhäku ŋayi gal'ŋu wirrki djälthina.
Waŋganymirri nayi dhika wäŋanydja wapurarryinana bäyŋuna yukirri watayu bo'yurru.
Wäŋanydja dhuwala warrpara' warray rirrakaymiriwyina, bala-nyarawuna ŋarra djälnydja," bitjarra ŋayi waŋana.