Wurdwurd Bedberre.
Rachel G. Maralnguma.

WURDWURD BEDBERRE.
Stories by Rachel G. Maralngurra.
Artwork by J. Namerredje Guymala.
		   Timothy W. Nadjowh.
C.M.S. OENPELLI. 1974.
Batchelor Institute of Indigenous Tertiary Education Library 
BATCHELOR NT 0845

WURDWURD BIRRIWAM NGALMANGIYI.
Wurdwurd birriwam ngalmangiyi. Ngalkudji mey ngalkimuk, yimeng, "Ngaye ngamey ngalkimuk ngalmangiyi." Ngalbuyika yimeng "Ngaye ngamey ngalyahwurd." Ngalkudji yimeng, "Karrire karringun, ngaye ngamarrwe." Wanjh birriwam birrikinjeng, djolengminj, birrimarrhmey birringuneng, birriworrkminj, birridokmeng kured. Bonj.

NGALDALUK NARANGEM.
Ngaldaluk narangem benewam kulabbarl. Ngaldaluk mangi barrdjungka, dja narangem djenj danjbuni. Balhdanjbuni nang nakimuk nayin kahyo, kelewawmeng yimeng, "Waw, waw, waw." Ngaldaluk yimeng, "Njale ngunbayeng?" Burrkyak, dja nayin nganang." Yimeng, "Yimray, ngarrdokme kured, marndi kanbaye." Wanjh benedokmeng kured. Bonj.

WURDWURD BIRRIWAM MANKUNG.
Wurdwurd birriwam manberrk birrihyawani mankung. Nakudji nakimuk benkani, birriwam nakudji nang mankung kahyerrkan, kayhmeng, yimeng, Ngaye nganang mankung. Birribuyika birriyimeng, "Woybukkih?" Yimeng, "Ngurrimray." Birrimwam birrinang woybukkih.
Birrimey kurlbburru, birrikolhmeng birriburriweng, birrimonbuhmeng, birridahkendoy marrunj, barlmeng, wanjh birridokmeng kured. Bonj.

NGALBADJAN DJA KORNKUMO.
Ngalbadjan kornkumo beneyimeng, "Malaywi ngarre mankung. "Yoh," yimeng ngal-bininjkobeng, "dja nawu wurdwurd bokenh karridjarrkre?" Kornkumo yimeng, "Burrkyak, birridin Ngalkinbalen dja Namanjmiken, dja ngarre mankung, dja kunj ngawarlbun."
Wanjh benewam, benebaruy mankung benebarlkeng, benewam bikurrmeng kulabbarl dja nungka kunj warlbom. Wam nang kahni, yameng kukyirrurndi, wam bimarnebebmeng kulabbarl kumekbe kore ni. Benewilkdi, benewayhkeng benedjalkdjalkmey benenguneng beneworrkminj, wanjh benedurndi kured bu balhdungyibmi.
Wurdwurd berrewoneng bindinang birriyimeng, "Ngabbard dja Karrard kabenemhkan kunj dja mankung." Benewam kured, bindiwong Mamamh dja Kakkak, benenguneng beneworrkminj, wanjh bonj.

"Ngabbard dja karrard kabenemhkan kunj dja mankung."

WURDWURD.
Wurdwurd birriwern birriwam birrihwulebmi kukabo. Birrihwulebmi, nakudji bidjudmeng marrngunj, "Waw," yimeng. Birribuyika birridjawam, "Njale ngunbayeng?" "Aba marrngunj ngandjudmeng." Birribuyika birriyimeng, "Waw, karriray, marndi kandjudme kadberre, karriray kured, kumekbe karrihdirri." Wanjh birriwam kured birrihdirri. Bonj.

WURDWURD BOKENH BENEWAM DJENJ.
Bokenh wurdwurd benewam djenj benehdanjbuni. Nakudji balhdanjbuni djenj, bekkang melmeng kinga, "Waw, waw, waw," yimeng. Nawu kuberrk kumhdi yimeng, "Njale yimelmeng?" Yimeng, "Kinga." "Yimray, ngarrdokme kured kore Ngabbard dja Karrard." Bonj.

YAWKYAWK BOKENH.
Yawkyawk bokenh benewam benehbuni mankongkong. Ngalkudji yimeng, "Aa, yimankek ngahbekkan nganabarru kamhlobme." Benelobmeng benebidbom kundulk, beneyimeng, "Bolk kanbuyi ngarrku." "Yoh, waw bolk kanbuyi ngarrku, wanjh ngarrdokme kured." Wanjh benedokmeng kured. Bonj.

Batchelor Institute of Indigenous Tertiary Education Library 
BATCHELOR NT 0845

The production of this book of Kunwinjku (Gunwinggu) children's stories is part of the Oenpelli Literary Project assisted by the Australian Council for the Arts.
C.M.S. OENPELLI. N.T. 1974.