Kukumbat Dakdak La Graun Abin

Kukumbat Dakdak La Graun Abin
Lily Bennett bin raidim dijan stori 
en Marlene Rankin bin deigim ola pitja.
Copyright Barunga Press 1992

Dijan hot woda bla deigimat fetha la jad dakdak.

Dijan Chris en Charles tubala deigimat fetha brom jad dakdak.

Chris en Charles bin deigimat gats bla jad dakdak.

Dijan jad graun abin bla kukum jad dakdak.

Chris bin budum jad dakdak la jad graun abin.

Chris im budum ola hot ston ontop la jad dakdak.

Chris im kabudumap peipa bak ontop la jad graun abin.

Ola kid dei helpum Chris bla kabudumap jad graun abin.

Charles en Chris tubala deigimat jad peipa bak bla gedim jad dakdak.

Jad dakdak im kukwan en im redi bla idim.