Da Nama
Murrinh Rosemary Kumilangka Tchinburur thangunu darntilil i mamyerl
Year 6/7

© Wadeye Press September 2006

Da Nama
Murrinh Rosemary Kumilangka Tchinburur thangunu darntilil i mamyerl
Year 6/7

Bere da murntak warra ngankungime ngarrinedhangime da Nama da puth-nu.

Yile ngay nungampap ku ngalmungkirr-nu i wurdanthut ngarra darrinpirr i thungku thutkan wanku mebaththa wurrini.
I thungku kamarl-ka ngarra nanhthi-yi pirriwuy, i puy nadha dini wurdanthut ngarra darrinpirr warda.

Kuguk-wa kardiwartbarttha i dimmardawith da mana ku ngarlmungkirr wanku mengkadhuktha wurrini ngarra mange nukunu. Nganku warda ngathan ngay ngumamkamanpi-yu.

Bere nhini thangunu-ka ku warda ngungankapurlngime ku ngarlmungkirr-yu. I thungku ngala ngubamkadhakduk ngime. I ku warda nginnangamkathingime. I kale ngay-ka mi lawam i kura ti mam-patha.

I ku warda ngardemurrkthangime ku ngalmungkirr nhini-yu wanku mi lawam i kura ti.

I kardu le patha nimin-ya ngardedhangime da pangu-yu.