Awangk anantherr alhew.
Alkwarrer akwerrk ampernemel
akalthey-alheyel.

Parna nganew irrwenyenk-warl
alkwarrer akalthew.

Tyeyney-then Akey-then
arnwekety arlkweyel.

Apwert intey-kert.

Anter - then ampernemel-then
yernt mwerrangker kwertneyel.

Thamanthel yernt kwertneyel.

Ampa atherrel amar arlkweyel.

Anterel ngkwarl arterneyel angker-itwew.

Ra arterneyel-antey.

Ampernem kwaty-itwew pwerlperreyel.

Tyeyneyel amern ateyel.

Ikwer-atherrenh ra arlpewarl arrernew artemel-then arlpa rwenpel.

Nyunyel arlewatyerr antwerrkweyel.

Anterel arlewatyerr antwerrkweyel.

Anterel arlewatyerr rwel ilpateleyel.

Anterel ilpateleyel arlewetyerr.

Ikwer-theyan ra rwa arlpewarl arrernew artermel-then.

Ampengarlerrew rap tyerrew ratherrap alperr-warl arrernew arlkarlerreyek.
Akey-thenel Tyeyney-thenel angkethey ingkwernew pety-mem-then arwamew Amperlatwaty. 1995.

Ampilatwatja School 
Alyawarr language
Photo & compilation of story by Susan Moore 
Alyawarr story-Jeannie Beasley 
1994.