Warlawurru manu Kakalyalya manu Wangarla
BILLY JUNGARRAYI LARRY
WARLPIRI

WARLAWURRU KAKALYALYA MANU WANGARLA
Yimi yirrarnu manu kuruwarri kujurnu: Billy Jungarrayi Larry 
(c) Literacy Production Centre, Wir1iyajarrayi, 1987

Nyurruwiyi kala nyinaja Warlawurru karnta-jarra-kurlu, Kakalyalya manu Wangarla-kurlu. Mungalyurru kalalu yanu wirlinyi kuyuku manu miyiki.

Wirlinyi-jangkalu pina yanurnu wuraji-wuraji ngurra-kurra. Karnta-jarrarlu-pala kangurnu kuyu manu miyi. Warlawurrurlu kangurnu kuyu marlu. Kakalyalyarlu kangurla ngapa Warlawurruku.

Ngula-jangka watingki kuyu manu warlu-jangka. Pajurnurla manu yungulkurla Wangarlaku kuyu punku. Kakalyalya-jarrarlu-pala ngarnu kuyu ngurrjuju. Ngula-jangka jarda-jarrijalu.

Mungalyurrulu yarda yanu wirlinyi. Karnta-jarra-pala yanu wurnturu-nyayirni. Wangarlaju mimayi-jarrijarla kakalyalyaku. Wangarlarlu pakarnu jurru Kakalyalyaju yalya-kurra. Karlijalpa yalyu wiri-nyayirni. Wantija walya-kurra manu ngunajalpa palinjaku-ngarnti Kakalyalyaju.

Wangarlaju pina yanu ngurra-kurra. Warlawurruju payurnu, "Nyarrpara Kakalyalyaju?" Wangarlaju wangkaja, "Karija."
Ngula-jangka jarda-jarrija-pala.

Mungalyurru watiji yakarra-pardija manu wirliya-palangu puraja wirlinyi-wana. Ngula-jangka kutu-jarrijalku. Nyangulku yalyu walyangka. Puraja yalyuju.

Ngula-jangka nyangulku Kakalyalya nyinanja-kurra yawarra-kurlu. Kakalyalyarlu-nyanu yimi ngarrurnu Warlawurru-kurra pakarninja-warnu. Karntaju wangkaja, "Mimayirli- wajaju pakarnu." Ngula-jangka Kakalyalyaju palijalku. Watingki milyingka yirrarnulku.

Ngula-jangka pina yanu ngurra-kurra manu panturnu Wangarlaju. Ngula-jangka yanulku ngurra-kari-kirra tarnngalku.

Eagle and Cockatoo and Crow
1. A long time ago Eagle lived with his two wives Cockatoo and Crow, in the morning they used to go off for meat and food.
2. After hunting they came back in the afternoon to their camp. The two women brought some meat and food. Eagle brought kangaroo meat. Cockatoo brought some water to Eagle.
3. Then Eagle took the meat out of the fire. After cutting it up he gave Crow the meat that was not good. Eagle and Cockatoo ate the good meat, After that they went to sleep.
4. In the morning they went hunting again. The two women went a
long way. Crow was jealous of Cockatoo. Crow hit Cockatoo on the head till she was bleeding. She was bleeding fast loosing a lot of blood. She fell on the ground and lay on the ground nearly dying.
5. Crow went back to the camp. Eagle asked, "Where's Cockatoo?"
Crow said, "I don't know." After that they went to sleep.
6. Next morning the man woke up and followed their tracks where thev had gone hunting. When he came close to the place he saw the blood on the ground. He followed the blood.
7. Then he saw Cockatoo sitting on the ground badly wounded. Cockatoo told him the story of how she had been hit. She said, "She hit me because she was jealous." Then Cockatoo died. Eagle buried her.
8. After that he went back to the camp and speared Crow.Then he went away to another place forever.