47 iL

All Rights Reserved
Text © Shepherdson College 1982
Illustrations © Bärra'ŋur Press 1982

47 iL
Illustrated by Dayimbali
Written by B. Marrŋanyin
We Acknowledge the Aboriginal Arts Board Contribution 

Waŋganymirr waluy waŋgany yolŋu marrtjin bala ḏiltjilil, yurr märryaŋ ŋayi gan gäŋalnydja.

Marrtjin ŋayi gan ŋunhi, bala ŋayi nhäŋala murryil ŋayi gan gorruŋal garrwar dharpaŋur. Yurr ŋayi gan ŋunhi milma marrtjinany, ŋayiny gan ŋanya nhäŋal garrwarŋurnhdja.

Bilyun ŋayi milma nhanukal, ga märryaŋ ŋayi märrmam ŋayiny ga nhäma ŋanya.
Ga ŋunhiny ŋayi balaŋ bunhan ŋanya märryaŋdhun, bala ŋayi ŋunhi murryilnydja waṉḏirra.

Marrtji’-marrtji ŋayi ŋunhi yolŋuny, bala ŋayi ŋorranan galkurra, buma yan ŋayi dhu ŋunhi murryil.

Bala ŋayi rur’yurra, bala ŋayi nhäŋala ŋunhiyi bili murryil, ga milma yan ŋayi nhanukal nhinan dharpalil.

Märraŋal ŋayi märryaŋdja bala ŋayi ŋanya bumara. Märraŋalnydja ŋayi ŋunhi murryil, bala ŋayi gäŋala wäŋalila.

Bala ŋayi gurrupara ŋama’wala. Ga bitjarra
ŋayi ŋunhi waŋanany nhanukal, “Dhuwal nhe dhu ga bathan murryil ŋarraku yalalan ŋali dhu rrambaŋin nyaŋ’thundja. Ga ŋarra dhu marrtji ga nhäma ŋathiny ŋunha bäpawal wäŋaŋur.”
“Ma’.  Gatjuynha marrtjin.  Dhuwal ŋarra dhu ga bathan.  Yaka ŋarra dhu dhuwal manaŋirr nhuŋu.

Marrtjin ŋayi ŋunhi yolŋu ga ŋunhal ŋathiwal. Ga lakaraŋal ŋayi bitjarr nhanukal, “Ŋathi, ŋunha muka murryil, ŋarra bumar. Ŋula nhe djäl muka yulŋuny?”
“Ŋe, djäl ŋarra dhuwal. Gatjuy marrtjin ga märraŋun ŋarraku.”

Bala ŋayi marrtjinan ga märraŋala ŋunhi murryil, bala gäŋala ŋathiwnha. Ga bayŋun ŋayi gurrupar ŋamawny’tja.

Bala ŋamany’ marrtjin, bala ŋayi bumar nhanŋuwuy ŋayi mayawa ga yakan ŋayi gurrupanna ŋunhi yolŋunhany.

Bala walal ŋorra’-ŋurranan.

Produced by the Literature Production Centre Elcho Island.