Luritja
Puḻṯampa
ngalpuru
Nanette Sharpelu ara nyangatja
watjaṉu, 1985angka
YIPIRINYA SCHOOL COUNCIL © 1985

Nganaṉa anu Alcootalakutu anta Rhondalu nganaṉanya katingu bushakutu. Ka Normanalu nyangu tjukararru minga wima tjuṯa pakantjala aḻanguru anta Rhondalu ilipangku atuṉi. Ka tjitji tjuṯa ngaranyi anta nganaṉa katingu Jeananya anta Christineanya ngurra Alcootanya nyakuntjaku anta nintirringkuntjaku yaltji ngalpuru. Palunya nganaṉa ngurrini puṉungka anta mantjini.

Paluru panya pakurringkula unngu Brucienya ka paluru atuṉu ngalpuru ilipangku anta aḻaṉu.

Ka Troyanya, Rhondanya, Valerieanya, anta Normanalu nyanganyi Rhondanya ilipangku aṯuntjala ngalpuru palunya.

Nyangatja ngalpuru palunya nyanganyi unngulingku yaltji ngalpuru palunya nyanganyi.

Anta Rhondalu tjunanyi ngalpuru palunya panikinangku ka Troyanya, Glenanya anta Normanalu wangkanyi "Yaya Rhonda uwa".

Ka Rhondalu mantjini ngalpuru palunya aḻanguru anta unganyi tjitji kutju.

Nyangatja Louisalu witini ngalpuru palunya puṉu palula itingka.

Ka ngayulu witini ngalpuru palunya anta Valerienya inkanyi ngayulu itingka. Dulcienya, Glenanya, anta Normananya ngarranyi ngayuku paṯara nganaṉa kala kulpantjaku ngurrakutu.

Anta Brendalu nyanganyi Dulcienya ungkuntjala itinya ngalpuru arrkantjaku. Ka paluru wima ngalkuṉi anta wiya puḻkarra lingku ngalkuntjaku ngalpuru palunya nyuntunya wila unngu kampanyi anta nganaṉa kala kulpangu ngurra Alice Springsalakutu.