Angriwan Lilboi

Angriwan Lilboi
Anita Camfoo imin raitim dijan stori. 
Carl Willika imin droim ola pitja. 
Chiyo Andrews imin kalarim.
© Barunga Press 
NT Education Department, 1998 
PMB 117, Katherine, NT 0852
ISBN 086822-417-0

Wandei deya bin sidan wanbala angriwan lilboi. Wal dijan lilboi imin laigim idim enijing na. Im olweis idim daga oldei. Im nomo bin stop bla idim langa im mami en dadi kemp. dat lilboi im olweis binijap ola daga. Dei en nait im olweis idim.

Wal wandei dijan lilboi imin idim ola daga brom im kemp. Im nomo bin go langa skul. Imin idimbat oldei. raidap naitaim. Imin stat bla grogro na. bla im binji bin stat gro bigwan. Imin gro rili fetwan.

Wen imin trai go langa skul, ola najalot biginini bin dijim im. Dei olweis laflaf langa im, en deibin olweis kolom im bigis "daga boi". Dat lilboi imin olweis krai, bobala.

Im nomo olweis fit langa dat ola do, bikos imin sidan rili fetwan na.
"O, mi angri igin, ai wandim daga!" Dat lilboi olweis tok lagijat na.

Wal wandei dat lilboi imin gobek langa skul. Imin wokwok olawei na bla go langa skul. Imin gowin langa im klasrum. bat wen imin trai gowin, im nomo bin fit langa dat do. Imin trai go saidwei. najing. Im stil kan fit.

Dat titja bla im bin lafta bringim bla im ola skul wek atsaid.

Ola kid bin jis kilim misalp laf bla dat lil "daga boi", bobala.
Imin dalim olabat na.
"Ei yumob nomo laflaf Ianga mi, bambai ai kam kilim yumob deya insaid."
Datlod kid bin sidan kwait. 
Deibin braidim bla dat lilboi.

Dat lilboi imin trai bla ranbek langa kemp, bat tu fet bla ran, dat graun bin sheik en ola tri bin glujap boldan. Imin lafta sidan, im nomo bin mub, bobala.
Deibin trai liftimap im. bat imin sidan tu fet en imin hebi na. Olabat bin lafta gedim greida bla liftimap im en deigimbek im langa kemp.

Wen imin gobek langa kemp, dat titja bin dalim im mami na. Imin sei,
"Ola kid deibin dijimbat langa im, aibin lafta bringimbek im iya."
Wen dat lilboi bin gordan, dat graun bin sheik en sambala tri deibin boldan. Imin meigim bigis hol na langa dat graun.

Im mami nomo bin sabi wanim bla dum. Dat lilboi imin kraikrai oldei, bobala.
"O mi big fetwan, olabat nomo laigim mi."
Im mami bin sei,
"Blanga thaddan na yu idimbat daga oldei en yu sabi na wot gin hepin langa yu".
Dat lilboi bin sei,
"Mi sori mami. Ai gan idim bigmob daga brom tudei."

Brom deya dat lilboi im nomo bin idim eni daga na. En imin losimbat weit olawei na, bobala. Antil imin go boniwan.

English Translation:
The Hungry Little Boy
1.	One day there was a hungry little boy, who liked to eat anything. He liked eating all day and he wouldn’t stop eating at his parent’s place. He always finished all the food day and night.
2.	Well one day this little boy ate all the food from his house. He didn't go to school. He ate until it was dark. He began to grow, his stomach began to grow. He was growing really fat.
3.	When he tried to go to school, the other kids began to tease him and laugh at him. They would call him, "Tucker Boy" and the little boy would always cry, poor thing.
4.	He couldn’t always go through all the doors, because he was really big and fat. “Oh, I'm hungry again, I want some food,” the little boy would say.
5.	Well one day the little boy went back to school. He walked all the way to school. He went into the classroom, but when he tried to go in, he couldn't go through the door. He tried going in sideways, but he couldn’t.
6.	The teacher had to bring his school work outside.
7.	All the children began to laugh at the little “Tucker Boy”, poor thing. He told them, “Hey, you better not laugh at me or else I'll hit you all!" The children were quiet; they were scared of the little boy.
8.	The little boy tried to run back to his house, but he was too fat to run, the ground shook and the trees nearly fell over. He had to sit down, he couldn’t move, poor thing. They tried to lift him up, but he was too fat and heavy. They had to get a bull-dozer to lift him up and take him home.
9.	When he got back to his house, the teacher told his mother. She said, “All the children teased him, I had to bring him home.” When the little boy got down, the ground began to shake and the 	trees fell down. He made a hole in the ground.
10.	His mother didn't know what to do with the little boy. The little boy cried and cried everyday. “Oh, I’m too fat and all the children don’t like me." His mother said, “You shouldn’t eat all day, now you know what could happen to you.” 
The little boy said, “I’m sorry Mummy. I won’t eat a lot of food from now on."
11. From then on he didn’t eat any food. Then he lost a lot of weight until he became thin.