Timi Tedpol David Jentian Timi Tedpol David Jentian imin raitim dijan stori en imin droim ola pitja KRIOL Bamyili Press 1980 © Copyright Bamyili Press 1980 ISBN 0 86822 099 X Yu gin ridim dijan stori en kalarim ola pitja. Timi Tedpol bin insaid langa eig. Imin weit long taim bla kamad. Bat den abda imin filimbat mijalo bla kamat kamat. "Urei!" im reken. "Mibin kamat na, ai gin go oleibat tu." Timi bin luk sambala lilwan fish. En imin sei "Ai gin plei gadem yubala?" En olo fish bin sei "No yu gan plei garrem mibala, yu go olei garrem yu sista en braja." En limi tedpol bin sed. Imin lukaran en im nomo bin luk enibodi bobala. En den imin swim ebriwea. Imin swim en imin baindem wanbala lilwan be:d ontoo langa wanbala tri. Imin lisin jat lilwan be:d bin sei, "Mami, dadi wea yundubala go?" "Mindubala go gidim daga blanga yu" dubala bin sei. Timi Tedpol bin jinggibat. En imin sei "Wotfo mi nomo gadem mami en dadi. Ola lilwan fish gadem mami en dadi, lilwan be:d gadem mami en dadi bat wojabat mi?" Bobala lil Timi Tedpol. En den imin sei, "Ai go logobat mai mami en dadi. Dei maitbi samwea iya." Timi Tedpol bin go en imin askim olo lilwan fish. "Yubala bin luk mai mami en mai dadi?" imin sei. "Na mibala nomo sabi yu mami en dadi. yu go logabat mijalp." Lil Timi Tedpol bin go en imin askim lilwan be:d en imin sei "Lilwan be:d yubin luk main mami en dadi?" En jat be:d bin sei " Ai nomo sabi yu mami en dadi, yu go logobat mijalp". Bobala Timi Tedpol. Imin rili sed. Wan wik bin gon en Timi Tedpol bin luk en imin sei, "Ei wanem im kamat brom mai bodi?" Tubala leg bin kamat en den imin luk tubala am bin kamat. En den im teil bin go shotwan en shotwan en shotwan til imin binij. Timi Tedpol bin filim mijaln im gin kik en den imin kik rili had en imin kamad brom woda. En imin lendid rait langa bengk. Imin hop, hop, en hop. En rait glujap imin midim tubala bigwan frog. En imin sei " Ei u yundubala?" En dubala bin sei, "Yu siliwan, mindubala bla yu mami en dadi." En jat Timi Tedpol imin rili hepi et las. Binij PRINTED BY BAMYILI PRESS Private Mail Bag 25 Katherine, N.T. 5780