IBA BELI RODIYO
Danny Marmina Jentian

IBA BELI RODIYO
Danny Marmina Jentian 
© Copyright Bamyili Press 1979
ISBN 0 86822 019 1

Wan dei mibala bin go langa Iba Beli steison bla luk rodiyo shou. Mibala bin go jeya gadem big kuminiti trak burrum Bamyili.

Jad Iba Beli steisin im maitbi 30 mail burrum Bamyili, en im oni lilwan steisin tu.
Oni lilbid pipul we:k jeya, maitbi oni 12, bat sambala pipul burrumm Bamyili tu.

Mibala bin kamad jeya rait dina taim, bat jad shou nomo bin stat yet, til wana klok.
Wen imin taim bla shou, ola pipul bin go weidibat langa jad lil shou graun.

Burrumm jeya ola hosmen bin kam bla raidim ol jad lot wailwan hosis. Sambala men bin boldan en sambala men bin heng on, en semwei langa bulug raid tu.
 
Orait wen jad shou bin binij aftanun wibin go langa jad menija kemp, en mibala bin abum baba-kiyu. Orait wen mibala bin binij blanga baba-kiyu mibala bin kambek langa Bamyili olnait gadem jad big trak, en mibala bin rili kolbala tu.

BINIJ

PRINTED BY THE BAMYILI SCHOOL PRESS
Private Mail Bag 25
Katherine, N.T. 5780